عــــــــيوب 7610 بالتـــفصيل &&احذرو منه&&

مع العلم انه عيوب هذا الجهاز هيا عيوب سوفتوير وليست بالعيوب الكبيرة ولنذكرها لكم

1- تقطيع الصوت في ملفات AMR

2-بعض الاوقات عند اجراء التصال تأتي جملة coniction eror

3- يحصل تعليق في الجهاز (احيانا) عند تشغيل مقاطع الفيديو

4- الوصلة التي تصل الكمبيوتر بالجوال فاشلة للغاية ومشاكلها كثير يعني اذا فصلت السلك عن الجوال لازم تعيد تشغيل الكمبيوتر مع العلم انه البرنامج المرفق مع الجوال لايصلح الا لويندوز 2000 و اكس بي ولايعمل مع الملينيوم وحتى طريقة تعريف السلك على الكمبيوتر متعبه لقليلي الخبرة . ونصيحتي لحل هذي المشكلة انه الواحد يشتري كارد ريدر ولو انه كمان متعب .
رأي شخصي/ نوكيا وهقتنا يوم شالت الانفرارد من الجوال والله العظيم .

5- وهذا من العيوب الفنية المهمة/ الجهاز يعتبر لاقط للاوساخ وبصمة اليد بسرعة تلصق فيه والله العظيم انه الواحد لازم يشتري قفازات علشان يتعامل مع الجهاز وبسرعة يتخدش حتى لو حافظت عليه يتخدش بسرعها وللاسف نوكيا ما ادري ليه عملت خامة الجهاز من هذا النوع هي صحيح انها حلوة لكنها سريعة التخديش وتتوسخ بسرعة يعني جهازك يبان قديم بسرعة وانصح كل واحد يشتري منظف زجاج قبل مايشتري الجهاز مع العلم انه لون جهازي اسود ما ادري عن الابيض

6- الكاميرا بطيئة جدا انا اتكلم عن التصوير الثابت يعني لازم تعد لاربعة بعد ماتسمع صوت الفلاش علشان الصورة تثبت لانك لو حركت الجهاز الصورة تبان مهزوزة وبالحقيقة انا جدا مستاء من هذا الشئ يعني زي التصوير الليلي في 6600 لازم تستنى شوي علشان الصورة تثبت اتمنى انكم تكونوا فهمتوا قصدي .
كمان حجم الصور كبير (قول هذي مومشكلة علشان الصورة تطلع حلوة ودقيقة)
وللاسف نوكيا شالت ميزة التصوير ذو الحجم الصغير partrit يعني بس صار تصوير ليلي وتصوير عادي يعني حتى صور المتصلين لازم تحطها كبيرة .

7- لازم يظهر رقم المتصل . ماتقدر تلغي الميزة هذي .

8- النغمات ترتفع تدريجيا لما واحد يتصل فيك وماتقدر تلغي الميزة هذي يعني غصبا عليك .
9- لما تتكلم لازم توجه فتحة السماعة على فتحة اذنك بالضبط ولو حذفت شوية يمين او يسار ماتسمع الصوت زين يعني فتحات سماعة الاذن مصممة بطريقة خاطئة واتمنى من الاخوان يجربوا ويقولوا لي رايهم ما ادري يمكن يكون العيب بأذني انا .

والآن أذكر المزايا اللي لمستها من الجهاز

الجهاز زي 6600 لكن في كم شغلة عجبتني فيه وهي كالتالي
1- صوت النغمات عالي جدا بس للاسف لازم يعلى تدريجيا لما واحد يتصل فيك .

2- لما تكون تسمع ملف صوتي وتجي شاشة التوقف الصوت مايوقف وهذي الميزة ماكانت في 6600 .

3- الشاشة اوضح .

4- الكاميرا اوضح .

5- الجهاز اسرع من 6600 .